©2007-2019 Hrönn Guðjónsdóttir

hronn [hjá] ungbarnanudd.is

S: 699 1299

Dugguvogi 10, 104 Reykjavík

  • facebook-logo.png

NÁLASTUNGUR

Nálastungur gagnast við margs konar verkjum og kvillum, leiðrétta ójafnvægi sem hefur myndast og kenna líkamanum að verða heilbrigður aftur. Yfirleitt lagast fleira í meðferðinni heldur en vandamálið sem upphaflega var unnið með. Margir fara að sofa betur, verða orkumeiri og almenn líðan verður betri. 

 

Nálastungur

Eru hluti af kínverskri læknisfræði. Margt getur valdið sjúkdómum og óþægindum m.a. tilfinningar, mataræði, veðrátta, slys, streita og margt fleira.

 

Manneskjan er séð sem ein heild, sem líkami og sál. Nálastungulækningar eru oft notaðar sem fyrirbyggjandi meðferð. Sjúkdómar verða yfirleitt til í líkamanum á löngum tíma. Með réttri greiningu má fyrirbyggja sjúkdóma, þá er ójafnvægið sem fyrir er í líkamanum leiðrétt, ónæmiskerfið byggt upp og almenn líðan og orka verður betri.

 

Í fyrsta tímanum er tekið ýtarlegt viðtal við skjólstæðinginn, einnig er „hlustað“ á hina 12 púlsa sem samsvara orkubrautum líkamans. Tunga er skoðuð sem og almennt útlit og líðan. Með þessari greiningu er fundið út hvaða nálastungurpunktar henta best í hvert skipti. Leitast er við að nota sem fæstar nálar í hverri meðferð.

 

Alþjóðaheilbrigðismálastofnin (WHO -  World health Organisation) gefur reglulega út lista sem klínískar rannsóknir hafa sýnt fram á að nálastungur gagnast við:

Frjóofnæmi, þunglyndi, tíðaverkjum, andlitsverkjum, háum blóðþrýsting, hnéverkjum,
bakverkjum, ógleði á meðgöngu, aukaverkunum geisla og lyfjameðferðar, hálverkjum,
tannverkjum, verkjum í öxl, verkjum eftir aðgerðir, gigt, höfuðverkjum og mígreni,
verkjum í olnboga.

Auk þess er listi yfir vandamál sem nálastungur virðast minnka einkenni en þarfnast meiri rannsókna:
Acne, unglingabólur, fíkn og detoxification (tóbak, áfengi og fíkniefni), sykursýki – gerð II,
ófrjósemi, kvíða, vefjagigt, auka brjóstamjólk, svefnleysi, taugaverkir eftir ristil, Tourettes heilkenni og endurteknar þvagfærasýkingar.

Nálastungur á meðgöngu

Sífellt fleiri konur nota nálastungur til að undirbúa sig fyrir fæðinguna. Rannsóknir sýna að útvíkkunartímabilið styttist töluvert og að nálastungur draga úr kvíða fyrir fæðingunni. Einnig gagnast nálastungur á meðgöngu vel við ógleði, bjúg, höfuðverk, doða í höndum og svefnleysi.